20.02.2026 | 10:50
Բաքուն հերքում է Թրամփին. Ադրբեջանը չի մասնակցի Գազայի համար 7 միլիարդ դոլարի ֆինանսական նախագծին
Սպիտակ տունը ցանկանում է ավելացնել սղագրողների թիվը, քանի որ Թրամփը չափազանց շատ է խոսում․ AP
Քաղաքականություն
30.01.2025 | 22:44
Սպիտակ տան սղագրողները չեն հասցնում ԱՄՆ նախագահ Դոնալդ Թրամփի հետևից, Associated Press-ին (AP) հայտնել են աղբյուրները: Գործակալության տվյալներով՝ քննարկվում է ծանրաբեռնվածությունը հաղթահարելու համար լրացուցիչ կադրեր ընդունելու հարցը։
Factba.se նախագծի համաձայն՝ Դոնալդ Թրամփը նախագահի պաշտոնում իր առաջին շաբաթվա ընթացքում հրապարակավ խոսել է 7 ժամ 44 րոպե։ Նա օգտագործել է 81 հազար բառ։ Նախագահի պաշտոնում իր առաջին ժամկետում նա խոսել է 3 ժամ 41 րոպե և առաջին յոթ օրվա ընթացքում օգտագործել 33 հազար 500 բառ:
Ջո Բայդենը պաշտոնավարման առաջին շաբաթվա ընթացքում խոսել է 2 ժամ 36 րոպե։ Նա արտաբերել է 24 հազար բառ։
Դոնալդ Թրամփը պաշտոնը ստանձնել է հունվարի 20-ին։ Տասը օրվա ընթացքում նա ստորագրել է 38 հրաման, ինչը ռեկորդային թիվ է ԱՄՆ ցանկացած նախագահի համար։
Թարգմանությունը՝ Տաթև Ֆռանգյանի
