09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Բահրեյնի ԶՈՒ հրամանատարը Բաքվում է․ ռազմական համագործակցության զարգացման հարցեր են քննարկվել
Քաղաքականություն
30.01.2025 | 21:59
Ադրբեջանի պաշտպանության նախարար Զաքիր Հասանովը Բաքվում գտնվող Բահրեյնի Թագավորության պաշտպանական ուժերի գլխավոր հրամանատար, ֆելդմարշալ Շեյխ Խալիֆա բեն Ահմեդ Ալ-Խալիֆայի հետ հանդիպմանը երախտագիտություն է հայտնել Բահրեյնի կողմից ցուցաբերվող մարդասիրական օգնության, 44-օրյա պատերազմի ժամանակ միջազգային կազմակերպություններում աջակցության համար, հաղորդում են տեղական լրատվամիջոցները։
Շեյխ Խալիֆա բեն Ահմեդ Ալ-Խալիֆան ընդգծել է փոխայցելությունների կարևորությունը երկկողմ համագործակցության զարգացման գործում։
«Հանդիպման ընթացքում մտքերի հանգամանալից փոխանակում է տեղի ունեցել ռազմական և ռազմակրթական ոլորտներում համագործակցության ներկա վիճակի և ընդլայնման հեռանկարների, ինչպես նաև տարածաշրջանային անվտանգության հարցերի շուրջ»,- ասվում է Ադրբեջանի ՊՆ-ի հայտարարության մեջ։
Թարգմանությունը՝ Էմմա Չոբանյանի
