05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Չես ամաչո՞ւմ՝ նման հարց ես տալիս. Ավանեսյանը` «ցեղասպանություն եղե՞լ է» հարցին ի պատասխան․ ՏԵՍԱՆՅՈՒԹ
Քաղաքականություն
30.01.2025 | 13:24
Կառավարության նիստին հաջորդած ճեպազրույցում Առողջապահության նախարար Անահիտ Ավանեսյանին դուր չեկավ լրագրողի այն պնդումը, թե ջրծաղիկի ներկրված պատվաստանյութերը փչացել են, քանի որ չեն պահպանվել պահման պայմանները։
«Ես հորդորում եմ, որ այսուհետ նման դիտարկումներ չանեք։ Ես արդեն ներկայացրել եմ, թե ինչու է ներկրումից հետո պատվաստանյութը գտնվում երկար փաստաթղթային փորձաքննությունների մեջ։ Առողջապահության նախարարությունը շատ խիստ, մանրակրկիտ փորձաքննում է բոլոր պատվաստանյութերի փաստաթղթերը և ընդունում է դրանք՝ միայն լիարժեք վստահ լինելով, որ պահպանվել են տեխնիկական բնութագրում գրված բոլոր պայմանները։ Պատվաստումների վերաբերյալ նման անհիմն եզրահանգումները վնասում են մեր իմունիզացիայի ծրագիրը և ճիշտ չեն»,-նկատեց նախարարը։
Ավանեսյանը նաև տեղեկացրեց, որ ջրծաղիկի մասով վտանգավոր բռնկումային իրավիճակ չկա և չի հիշում, թե վերջին անգամ երբ է նման դեպք եղել.«Ամեն տարի էլ ջրծաղիկի բռնկման դեպքեր ունենում ենք։ Մեր քաղաքականությունն էլ ուղղված է նրան, որ պատվաստումների միջոցով կանխարգելենք այս հիվանդությունը, որն իրականում վնասում է առողջությունը, ազդում է աշխատունակության վրա։ Այս տարվա փետրվարից կսկսենք ջրծաղիկի պատվաստումները։ Մենք ունենք պատվաստանյութերի արդեն երկրորդ խմբաքանակը և երկուսն էլ ավարտական գործընթացներում են գտնվում»։
