08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Գրենլանդիային խորհուրդ են տվել միանալ ԵՄ-ին՝ Թրամփից «պաշտպանվելու» համար
Քաղաքականություն
30.01.2025 | 13:33
Գրենլանդիան պետք է մտածի կրկին Եվրամիությանը միանալու մասին՝ ԱՄՆ նախագահ Դոնալդ Թրամփի սպառնալիքներից «պաշտպանվելու» համար։ Այս մասին հայտարարել է Եվրախորհրդարանի դանիացի պատգամավոր Մորտեն Լոկեգորը, փոխանցում է Politico-ն։
«Մենք ապրում ենք մի աշխարհում, որտեղ, անկախ նրանից, թե որքան անկախ եք ցանկանում լինել, պետք է լինեք դաշինքների անդամ: Եվ, իմ կարծիքով, ԵՄ-ն լավագույն դաշինքն է, որի մասը կարող եք լինել: Դա վերաբերում է Դանիային, դա վերաբերում է Գրենլանդիային»,- ասել է Եվրախորհրդարանի պատգամավորը։
Նա հավելել է, որ ԵՄ-ն «պաշտպանություն» կտրամադրի կղզուն։
«Ընդհանուր հասարակության մեջ դուք պաշտպանված եք տնտեսապես և քաղաքականապես»,- ասել է Լեկեգորը:
Գրենլանդիան, որն ինքնավար դանիական տարածք է, 1982 թվականին հանրաքվեով քվեարկել է Եվրոպական համայնքներից (ԵՄ-ի նախորդը) դուրս գալու օգտին և պաշտոնապես լքել դաշինքը 1985 թվականին։ Այնուամենայնիվ, կղզու 60,000 բնակիչների մեծ մասը դանիացիներ են, հետևաբար, մնում են ԵՄ քաղաքացիներ:
Թարգմանությունը՝ Տաթև Ֆռանգյանի
