27.04.2025 | 19:00
ՀՀ ԱԳՆ-ն շնորհավորել է Հարավաֆրիկյան Հանրապետությանն Ազատության օրվա առթիվ
Թրամփը կառավարության աշխատակիցներին առաջարկում է 8 ամսվա աշխատավարձի դիմաց հեռանալ աշխատանքից
Քաղաքականություն
29.01.2025 | 21:53
ԱՄՆ նախագահ Դոնալդ Թրամփի վարչակազմը դաշնային կառավարության աշխատակիցներին առաջարկել է մինչև սեպտեմբերի վերջ, այսինքն՝ ութ ամիս, աշխատավարձերի վճարման դիմաց հրաժարական տալ։ Նման առաջարկով նամակ է ուղարկվել աշխատակիցներին, հաղորդում է ԱՄՆ անձնակազմի կառավարման գրասենյակը։
Քաղաքացիական ծառայողները, ովքեր ցանկանում են օգտվել այս հնարավորությունից, պետք է իրենց որոշման մասին տեղեկացնեն մինչև հաջորդ հինգշաբթի՝ փետրվարի 6-ը։
Հայտարարության մեջ նաև ասվում է, որ դաշնային գերատեսչությունների մեծ մասը կկրճատի անձնակազմը, քանի որ դրանք վերակառուցում և վերակազմավորում են իրենց գործունեությունը:
Դոնալդ Թրամփը նախկինում բազմիցս խոսել է պետական կառույցների արդյունավետությունը բարելավելու և բյուրոկրատիայի դեմ պայքարելու մտադրության մասին։ Անցյալ շաբաթ նա ստորագրել է գործադիր հրաման՝ Կառավարության արդյունավետության դեպարտամենտի (DOGE) ստեղծման մասին, որը գլխավորելու է միլիարդատեր Իլոն Մասկը։
Թարգմանությունը՝ Տաթև Ֆռանգյանի
