06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
ԶՊՄԿ-ն իր բաժնետերերին առաջարկել է կուտակված ընդհանուր շահույթից 152 միլիարդ ՀՀ դրամ տարեկան շահութաբաժիններ վճարել
Տնտեսություն
29.01.2025 | 17:45
2024 թվականի նոյեմբերի 27-ին տեղի է ունեցել «Զանգեզուրի պղնձամոլիբդենային կոմբինատ» փակ բաժնետիրական ընկերության տնօրենների խորհրդի նիստը, որի ընթացքում Խորհուրդը, ի թիվս այլնի, Ընկերության բաժնետերերին առաջարկ է ներկայացրել 2023 թվականի գործունեության արդյունքներով ընկերության կուտակված ընդհանուր զուտ շահույթից (ներառյալ նախորդ տարիները) տարեկան շահութաբաժիններ վճարել․ տեղեկացնում են ԶՊՄԿ լրատվության և հասարակության հետ կապերի բաժնից։
2024 թվականի դեկտեմբերի 05-ին տեղի է ունեցել Ընկերության բաժնետերերի ժողովը, որի ընթացքում Ընկերության բաժնետերերը քննարկել են Ընկերության 2023 թվականի տարեկան ֆինանսական հաշվետվությունների, հաշվապահական հաշվեկշռի, շահույթների և վնասների հաշվի, շահույթների և վնասների բաշխման, ինչպես նաև տարեկան շահաբաժինների վճարելու հարցերը, ինչի արդյունքում Ընկերության բաժնետերերի Ժողովը որոշել է 2023 թվականի գործունեության արդյունքներով ընկերության կուտակված ընդհանուր զուտ շահույթից (ներառյալ նախորդ տարիները) տարեկան շահութաբաժիններ վճարել ընդհանուր 152 միլիարդ ՀՀ դրամի չափով՝ Ընկերության կանոնադրական կապիտալում բաժնետերերի մասնակցության չափին համամասնորեն:
