08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Պենտագոնը հանձնարարել է հետաքննություն անցկացնել գեներալ Միլիի նկատմամբ
Քաղաքականություն
29.01.2025 | 18:32
Պենտագոնը հանձնարարել է հետաքննություն սկսել ԱՄՆ Միացյալ շտաբների պետերի նախկին ղեկավար Մարկ Միլլի նկատմամբ և չեղարկել է նրա հասանելիությունը անվտանգության ծառայությանը։ Այս մասին հայտնում է Reuters-ը։
Նշվում է, որ ԱՄՆ պաշտպանության նախարար Փիթ Հեգսեթը նախարարության գլխավոր տեսուչի գրասենյակին հրահանգել է հետաքննություն սկսել Միլիի վարքագծի վերաբերյալ՝ պարզելու՝ արդյո՞ք պետք է վերագնահատել Միլիի զինվորական կոչումը։
ԱՄՆ նախագահ Դոնալդ Թրամփն ավելի վաղ առաջարկել էր «փորձարկել» գեներալ Մարկ Միլիին՝ Չինաստանի հետ բանակցություններ վարելու համար։ Միլիի լուսանկարը հեռացվել է Պենտագոնից Թրամփի՝ Սպիտակ տուն վերադառնալուց անմիջապես հետո։
Հայտնի է, որ ԱՄՆ նախկին նախագահ Ջո Բայդենը պաշտոնը լքելուց մի քանի ժամ առաջ կանխարգելիչ ներում է շնորհել մի շարք մարդկանց, որոնց հետ Դոնալդ Թրամփը սպառնացել էր հաշվեհարդար տեսնել։ Թվում է, որ Բայդենը որոշել է պաշտպանել ԱՄՆ-ի շտաբների պետերի միացյալ կոմիտեի նախկին նախագահ, գեներալ Մարկ Միլին։ Բայդենն ասել է, որ Միլին և մյուսները «արժանի չեն անհիմն և քաղաքական դրդապատճառներով հետապնդման ենթարկվել»:
Հիշեցնենք, որ ավելի վաղ լրատվամիջոցները գրել էին, որ Թրամփի թիմը ծրագրում է մաքրել գեներալների և սպաների շարքերը։ Մասնավորապես, «զտումները» կազդեն բոլորի վրա, որոնք մտերիմ են Միացյալ շտաբների պետերի նախկին ղեկավար Մարկ Միլիին։
Թարգմանությունը՝ Տաթև Ֆռանգյանի
