08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մեծամորի հիվանդանոցն ու պոլիկլինիկան կմիավորվեն
29.01.2025 | 14:51
Կառավարության հունվարի 30-ի օրակարագում ներառված է Արմավիրի մարզի «Մեծամորի հիվանդանոց»-ի և «Մեծամորի պոլիկլինիկա»-ի միավորման հարցը։ Գործադիրի որոշմամ այս երկու բժշկական հաստատությունները կմիավորվեն՝ ստեղծելով «Մեծամորի բժշկական կենտրոն» փակ բաժնետիրական ընկերություն:
Կառավարության որոշման մեջ ասվում է, որ պոլիկլինիկայի նեղ մասնագիտական ծառայությունները կինտեգրվեն Մեծամորի հիվանդանոցին, իսկ ստացիոնար ծառայությունները կենթարկվեն ներքին օպտիմալացման` միավորելով մեծահասակների և մանկական թերապևտիկ բաժանմունքները մեկ թերապևտիկ ծառայության մեջ՝ 20 մահճակալով։
Գործադիրն այս որոշումը բացատրում է նրանով, որ նախագծի ընդունումը պայմանավորված է մարզի ազգաբնակչությանը մատչելի, հասանելի և առավել ռացիոնալ ծախսարդյունավետ բժշկական ծառայություններով ապահովելու անհրաժեշտությամբ:
Ըստ կառավարության՝ Մեծամորի հիվանդանոցը վերազինման անհրաժեշտություն ունի։ Բժշկական կենտրոնի կառուցման օրվանից ի վեր ստացիոնար հատվածում որևէ տեխնիկական վերազինում և ներդրում չի կատարվել, հնարավոր չէ վերանորոգել միակ 1984 թվականի արտադրության ռենտգեն սարքը։
Տարիների ընթացքում չվերանորոգված դռներն ու պատուհաններն ամբողջությամբ սպառել են իրենց՝ մաշվել, որի հետևանքով ձմռան ամիսներին ջերմային ռեժիմի ապահովումը դարձել է խիստ ծախսատար։
