09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Apple-ը սկսել է համագործակցել SpaceX-ի հետ՝ Starlink-ի արբանյակային կապը iPhone-ներում հասանելի դարձնելու համար
Քաղաքականություն
29.01.2025 | 19:44
Apple-ը գաղտնի համագործակցում է SpaceX-ի և T-Mobile-ի հետ՝ Starlink-ի արբանյակային կապը iPhone-ի օգտատերերին հասանելի դարձնելու համար։ Այս մասին հայտնում են Bloomberg-ը և Reuters-ը՝ հղում անելով իրենց աղբյուրներին:
Ըստ Bloomberg-ի՝ հունվարի 27-ին «հանրության համար աննկատ կերպով» թողարկվել է ծրագրային ապահովման թարմացում Starlink-ի աջակցության համար՝ բետա թեստավորման գործառույթով: Ներկայում միայն փոքր թվով iPhone-ներ են միացված բետա թեստավորման ծրագրին:
Բետա թեստավորման շրջանակում առաջին օգտատերերը T-Mobile-ից տեքստային հաղորդագրություններ են ստացել, որոնցում ասվում է. «Դուք գտնվում եք T-Mobile Starlink-ի բետա տարբերակում։ Այժմ կարող եք տեքստային հաղորդագրությունների միջոցով կապի մեջ մնալ արբանյակի օգնությամբ՝ աշխարհի ցանկացած կետից։ Օգտվելու համար թարմացրեք ծրագիրը մինչև iOS 18.3»։
Bloomberg-ը պարզաբանում է, որ երբ iPhone-ը լինի առանց բջջային ծածկույթի տարածքում, այն կփորձի միանալ SpaceX արբանյակներին: Առայժմ արբանյակային կապի միջոցով կարելի է ուղարկել միայն տեքստային հաղորդագրություններ։ Միաժամանակ, արբանյակային կապը չի կարող օգտագործվել այն վայրերում, որտեղ հասանելի է բջջային ցանցը:
Թարգմանությունը՝ Տաթև Ֆռանգյանի
