06.10.2026 | 15:20
Սաուդյան Արաբիայի օդանավակայանները հութիների հարձակմանն են ենթարկվել․ տուժածներ կան
44-օրյա պատերազմում անհետ կորածների ընտանիքները ևս 2 ամիս կստանան սոցիալական աջակցություն
Հասարակություն
29.01.2025 | 14:33
44-օրյա պատերազմի ընթացքում անհետ կորածների ընտանիքները ևս 2 ամիս կստանան սոցիալական աջակցություն՝ ամսական 300 հազար դրամի չափով, այս հարցը ներառված է կառավարության հունվարի 30-ի նիստի օրակարգում։
Գործադիրի այս որոշման նպատակը 2020 թվականի սեպտեմբերի 27-ից Ադրբեջանի Հանրապետության կողմից Լեռնային Ղարաբաղի ուղղությամբ սկսված պատերազմական գործողությունների հետևանքով քաղաքացիական անձանց շրջանում անհայտ կորածների ընտանիքների ֆինանսական վիճակի բարելավումն է։
Նախագծի ընդունման դեպքում, ըստ աշխատանքի և սոցիալական հարցերի նախարարության նախնական կանխատեսումների, միջոցառման շրջանակներում սոցիալական աջակացությունը պետք է տրամադրվի 11 անհետ կորած անձանց ընտանիքներին՝ հունվար և փետրվար ամիսների համար:
Նախագծի իրագործման համար պետբյուջեի՝ սոցիալական պաշտպանության ոլորտին հատկացված միջոցներից կպահանջվի 6 մլն 600 հազար դրամ:
