25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Պեսկովը՝ ՌԴ-ից փոխհատուցման վերաբերյալ Սիրիայի նոր իշխանությունների խնդրանքի մասին
Քաղաքականություն
29.01.2025 | 15:38
ՌԴ նախագահի մամուլի քարտուղար Դմիտրի Պեսկովը հայտնել է, որ Կրեմլը կարևոր է համարում ԱԳՆ պատվիրակության այցը Սիրիա։ Նա ընդգծել է, որ Մոսկվան պետք է «կառուցի և պահպանի երկխոսությունը» Դամասկոսի նոր կառավարության հետ, փոխանցում է Կոմերսանտը։
Դմիտրի Պեսկովը չի մեկնաբանել սիրիական Sana գործակալության հաղորդագրությունն այն մասին, որ երկրի նոր իշխանությունները Ռուսաստանից փոխհատուցում են խնդրել՝ «վստահությունը վերականգնելու համար»։
«Կթողնեմ առանց մեկնաբանության։ Մենք կշարունակենք երկխոսությունը Սիրիայի իշխանությունների հետ»,- ասել է Դմիտրի Պեսկովը։
Հունվարի 28-ին Դամասկոսում բանակցություններ են տեղի ունեցել ռուսական միջգերատեսչական պատվիրակության և սիրիական վարչակազմի ղեկավար Ահմեդ ալ-Շարաայի միջև։ Հանդիպումը տևել է մոտ երեք ժամ։
SANA-ն գրել է, որ երկխոսության ընթացքում «ընդգծվել է Ռուսաստանի դերը սիրիացի ժողովրդի հետ վստահությունը վերականգնելու հարցում կոնկրետ միջոցառումների միջոցով, ինչպիսիք են փոխհատուցումը, վերակառուցումը և վերականգնումը»:
Թարգմանությունը՝ Տաթև Ֆռանգյանի
