08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Շոլցը Իլոն Մասկի պահվածքը «զզվելի» է որակել
Քաղաքականություն
29.01.2025 | 22:45
Հարուստ գործարարների՝ քաղաքականությանը խառնվելը սովորական բան է դարձել, սակայն ամերիկացի միլիարդատեր Իլոն Մասկի աջակցությունը Գերմանիայի ծայրահեղ աջ «Այլընտրանք Գերմանիայի համար» (AfD) կուսակցությանը զզվելի է: Նման հայտարարություն է արել Գերմանիայի կանցլեր Օլաֆ Շոլցը, հայտնում է Eßlinger Zeitung-ը։
«Մենք շատ ուրախ ենք, որ Միացյալ Նահանգներն օգնեց ազատագրել մեր երկիրը նացիստներից և նորից դառնալ ժողովրդավարական երկիր: Այդ պատճառով ես այնքան զայրացած եմ, որ Իլոն Մասկը պաշտպանում է ծայրահեղ աջերին և չի կարողանում պատշաճ կերպով անդրադառնալ նացիստների կողմից հրեաների և անցյալում Եվրոպայում այլ մարդկանց սպանությանը»,- ասել է Շոլցը:
Գերմանիայի կանցլերը Բեռլինում լրատվամիջոցների ներկայացուցիչներին ասել է, որ Մասկը «միջամտում է հօգուտ աջակողմյան քաղաքական գործիչների ամբողջ Եվրոպայում»։
«Դա իսկապես զզվելի է, և դա լավ չէ ամբողջ Եվրամիությունում ժողովրդավարության զարգացման համար»,- ասել է Շոլցը:
Թարգմանությունը՝ Տաթև Ֆռանգյանի
