04.04.2026 | 11:05
Երկրաշարժ Վան քաղաքից 40 կմ-հյուսիս
Իսրայելն անհանգստացած է ամերիկյան հազարավոր զինվորների Սիրիայից դուրս բերելու՝ Թրամփի մտադրության կապակցությամբ
Քաղաքականություն
29.01.2025 | 16:17
Իսրայելն անհանգստացած է, որ ԱՄՆ նախագահ Դոնալդ Թրամփն ամերիկյան հազարավոր զինվորների կարող է դուրս բերել Սիրիայից։ Այս մասին հայտնում են իսրայելական լրատվամիջոցները։
Մասնավորապես, հաղորդվում է, որ Սպիտակ տան բարձրաստիճան պաշտոնյաներն Իսրայելի պաշտոնյաներին փոխանցել են, որ ԱՄՆ նախագահ Դոնալդ Թրամփը մտադիր է հազարավոր ամերիկյան զորքեր դուրս բերել Սիրիայից։ Նշվում է, որ ամերիկյան զորքերի դուրսբերումը մեծ վախ ու անհանգստություն է առաջացնում Իսրայելում։ Ակնկալվում է, որ այդ քայլը կազդի նաև Սիրիայի քրդական փոքրամասնության վրա, որը վախենում է Թուրքիայի նախագահ Ռեջեփ Թայիփ Էրդողանի գործողություններից։
Աղբյուրները նաև ընդգծում են, որ Իսրայելի պաշտպանության նախարար Իսրայել Կացը երեքշաբթի այցելել է Սիրիայում գրավված Հերմոն լեռը, վերահաստատել Իսրայելի մտադրությունը տարածաշրջանում անորոշ ժամանակով ռազմական ներկայությունը պահպանելու մասին։
Թարգմանությունը՝ Էմմա Չոբանյանի
