08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ դատարանը ժամանակավոր արգելափակել է դրամաշնորհների սառեցման մասին Թրամփի որոշումը
Քաղաքականություն
29.01.2025 | 13:15
Վաշինգտոնի դատարանը հունվարի 28-ին ժամանակավորապես արգելափակել է Թրամփի վարչակազմի՝ բոլոր դաշնային դրամաշնորհները և պետական օժանդակության այլ տեսակները սառեցնելու հրամանը, հայտնում է CNN-ը։
Կառավարման և բյուջեի գրասենյակի (OMB) հրամանի ուժի մեջ մտնելուց անմիջապես հետո դատավոր Լորեն Ալիխանը ժամանակավոր արգելք է դրել՝ բավարարելով մի քանի փաստաբանական խմբերի կողմից ներկայացված հայցը, որոնք ներկայացնում են հասարակական կազմակերպությունները, փոքր բիզնեսի սեփականատերերին և առողջապահության ոլորտի մասնագետներին: Դատավորն իր որոշումը հիմնավորել է նրանով, որ Սպիտակ տան հրամանը կարող է «անուղղելի վնաս հասցնել»։
«Կառավարությունը չգիտի այն ծրագրերի ամբողջական շրջանակը, որոնք ենթակա են սառեցման»,- փաստել է դատավորը։
Ըստ ամերիկյան լրատվամիջոցների՝ Թրամփի որոշումը, ի թիվս այլ բաների, ազդում է համալսարանական դրամաշնորհների, փոքր բիզնեսի վարկերի, շրջակա միջավայրի պաշտպանության նախագծերի և գենդերային բազմազանության աջակցության վրա։
Սպիտակ տունը դաշնային օգնության բոլոր ծրագրերի կասեցումը բացատրել է ստուգելու անհրաժեշտությամբ, թե որքանով են այդ ծրագրերը համապատասխանում Թրամփի քաղաքականության առաջնահերթություններին։
Հաջորդ դատական նիստը նշանակվել է փետրվարի 3-ին։ Մինչ այդ, Թրամփի վարչակազմը չի կարող դադարեցնել վճարումները ԱՄՆ Կոնգրեսի կողմից արդեն իսկ հաստատված պետական օգնության ծրագրերի շրջանակում, վճռել է դատավորը:
Թարգմանությունը՝ Տաթև Ֆռանգյանի
