08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Պուտինը հրաժարվել է խաղաղության համաձայնագիր ստորագրել Զելենսկիի հետ
Քաղաքականություն
29.01.2025 | 11:18
Ռուսաստանի նախագահ Վլադիմիր Պուտինը հնարավոր է համարել Ուկրաինայի նախագահ Վլադիմիր Զելենսկիի հետ բանակցությունները՝ միաժամանակ մերժելով նրա հետ խաղաղության պայմանագիր ստորագրելու հնարավորությունը։ «Россия 1» պետական հեռուստաալիքի եթերում նա հայտարարել է, որ ուկրաինական պետության ղեկավարին լեգիտիմ չի համարում։
«Բանակցել կարելի է ցանկացածի հետ, բայց ոչ լեգիտիմության պատճառով նա [Զելենսկին] իրավունք չունի որևէ բան ստորագրելու: Եթե նա ցանկանա մասնակցել բանակցություններին, ես կնշանակեմ մարդկանց, ովքեր կվարեն այդ բանակցությունները»,- ասել է Պուտինը։
Այսպիսով, Ռուսաստանի ղեկավարը ևս մեկ անգամ կրկնել է իր պնդումը, որ Ուկրաինայի նախագահը, իր տեսանկյունից, չի կարող մնալ իր պաշտոնում, քանի որ երկրում ժամանակին չեն կայացել նախագահական ընտրություններ։
DW-ի ռուսական ծառայությունը նկատում է, որ, միաժամանակ, Ուկրաինայում կա կոնսենսուս, որ քանի դեռ պատերազմը շարունակվում է, Զելենսկին մնում է պետության ղեկավարը։
Մինչդեռ Պուտինի վերընտրվելու լեգիտիմությունը պարբերաբար կասկածի տակ է դրվում ռուսական ընդդիմության կողմից: Բացի այդ, 2024 թվականի ապրիլին Եվրախորհրդարանը կոչ է արել ԵՄ-ին չճանաչել Ռուսաստանում նախագահական ընտրությունների արդյունքները և Ռուսաստանի կողմից օկուպացված Ուկրաինայի տարածքներում քվեարկությունը։
Թարգմանությունը՝ Տաթև Ֆռանգյանի
