10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Լևոն Երանոսյանի նկատմամբ խափանման միջոց է ընտրվել
Հասարակություն
25.09.2018 | 16:37
Ինչպես արդեն տեղեկացրել ենք, երեկ Հատուկ քննչական ծառայություն է հրավիրվել Ոստիկանության գեներալ-լեյտենանտ Լևոն Երանոսյանը և նրա նկատմամբ կատարվել են քննչական գործողություններ։
Factor.am-ի հետ զրույցում Լևոն Երանոսյանի պաշտպան Տիգրան Սաֆարյանը նշեց, որ Լ․Երանոսյանը ՀՔԾ-ում հարցաքննվել է 2018թ. ապրիլյան իրադարձությունների հետ կապված։
«Լևոն Երանոսյանը երեկ հարցաքննվել է այս տարվա ապրիլի 16-ին և 22-ին Բաղրամյան պողոտայում և Արցախի պողոտայի սկզբնամասում ոստիկանների և ցուցարարների բախման ժամանակ հատուկ միջոցների կիրառման դեպքով հարուցված քրեական գործի շրջանակում»,- ասաց պաշտպանը։
Հարցին՝ արդյոք Լևոն Երանոսյանի նկատմամբ խափանման միջոց է ընտրվել, պաշտպանը պատասխանեց․ «Լևոն Երանոսյանը կասկածվում է Քրեական օրենսգրքի 309 հոդվածի հատկանիշներով՝ պաշտոնեական լիազորություններն անցնելը։ Նրա նկատմամբ խափանման միջոց է ընտրվել ստորագրությունը չհեռանալու մասին»։
