24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ԱՄՆ-ում տուբերկուլոզի բռնկում է գրանցվել․ CNN
Քաղաքականություն
29.01.2025 | 11:09
Ամերիկյան համանուն նահանգի Կանզաս քաղաքում տուբերկուլոզի խոշոր բռնկում է գրանցվել, հայտնում է CNN-ը՝ վկայակոչելով տեղի առողջապահության վարչությունը։
«Տուբերկուլոզի դեպքերի ալիքը, որը տարածվում է Կանզաս Սիթիում, Կանզասի նահանգում, ըստ Առողջապահության դեպարտամենտի, տասնյակ մարդկանց է վարակել և առնվազն երկու մարդու մահվան պատճառ դարձել», – ասվում է զեկույցում:
Կանզասի առողջապահության և շրջակա միջավայրի դեպարտամենտի խոսնակ Ջիլ Բրոնաուն ասել է, որ նահանգում տուբերկուլոզի առաջին դեպքերը գրանցվել են 2024 թվականի հունվարին, հաղորդում է լրատվականը։
Հեռուստաալիքի տվյալներով՝ ակտիվ տուբերկուլոզից արդեն բուժվել է առնվազն 67 մարդ, ինչպես նաև հաստատվել է, որ ևս 79 հոգի եղել է «թաքնված տուբերկուլոզի» կրողներ։
«Այս բռնկումը դեռ շարունակվում է, ինչը նշանակում է, որ կարող են ավելի շատ դեպքեր լինել», – հեռուստաալիքը մեջբերում է Բրոնոյի խոսքերը։
CNN-ը նշում է, որ տեղի իշխանությունները չեն հայտնել, թե ինչն է դարձել բռնկման պատճառ։
Թարգմանությունը՝ Տաթև Ֆռանգյանի
