17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Ադրբեջանն ու Սաուդյան Արաբիան ռազմական համագործակցության զարգացման հարցեր են քննարկել
Քաղաքականություն
28.01.2025 | 23:02
Ադրբեջանի ՊՆ ղեկավար Զաքիր Հասանովը Բաքվում Սաուդյան Արաբիայի Զինված ուժերի գլխավոր շտաբի պետ, գեներալ Ֆայադ բեն Համեդ Ալ-Ռուվեյլիի գլխավորած պատվիրակության հետ Բաքվում հանդիպման ժամանակ քննարկել է ռազմական, ռազմատեխնիկական և ռազմակրթական ոլորտներում երկկողմ համագործակցության ներկա վիճակն ու զարգացման հեռանկարները, տեղի է ունեցել մտքերի հանգամանալից փոխանակում տարածաշրջանային անվտանգության հարցերի շուրջ։
Ադրբեջանական ԶԼՄ-ների հաղորդմամբ՝ Սաուդյան Արաբիայի պատվիրակությունը հանդիպել է Ադրբեջանի ԳՇ պետ Քերիմ Վելիևին։
Գլխավոր շտաբում կայացած հանդիպմանը կողմերը վստահություն են հայտնել փոխադարձ վստահության և աջակցության վրա հիմնված երկկողմ համագործակցության զարգացման հարցում, մասնավորապես, նշվել է երկրների միջև փորձի փոխանակման կարևորությունը։ Քննարկվել են երկկողմ ռազմական համագործակցության ընդլայնման և փոխադարձ հետաքրքրություն ներկայացնող այլ հարցեր։
Հանդիպմանը հետևած ճեպազրույցում ներկայացվել են Ադրբեջանի բանակում կատարվող բարեփոխումները։
Թարգմանությունը՝ Էմմա Չոբանյանի
