ԲԱՆԱՎԵՃ․ Փաշինյանը բանակի խնդիրների համար քննադատեց «հասարակական բարքերը»․ այդպե՞ս է արդյոք

2018-2023 թվականներին Զինված ուժերում ոչ մարտական պայմաններում մահացել է 436 զինծառայող։ ՀՔԱՎ գրասենյակի տվյալներով՝ այս մահերի 18 տոկոսը ինքնասպանություն է որակվել, 10 տոկոսը՝ սպանություն։ Ընդ որում, 2018-2023 թվականներին ոչ մարտական պայմաններում մահվան դեպքերը բանակում ավելացել են 29 տոկոսով՝ նախորդ 6 տարիների համեմատ։ Ըստ իրավապաշտպանների՝ 2024 թվականի ընթացքում բանակում գրանցվել է մահվան 40 դեպք, որոնցից 36-ը՝ ոչ մարտական պայմաններում։ 

«Այսօր ՀՀ բանակում չկա գեթ մի պրոբլեմ, որի հեղինակը ինքը` Բանակը լինի։ Բանակի բոլոր պրոբլեմները բխում են մեր քաղաքացիական կյանքից, մեր բարքից»,- հայտարարեց վարչապետ Փաշինյանը՝ Բանակի կազմավորման 33-ամյակի տարեդարձի օրոք: 

Իսկ Պաշտպանության նախարար Սուրեն Պապիկյանը 2024-ի վերջին ամփոփիչ ասուլիսում հայտարարեց,  որ իրենց համար մարտահրավեր են ինքնասպանության ու սպանության դեպքերը, որոնց թիվը նվազագույնի հասցնելու համար էական աշխատանք է տարվում: Նախարարը պնդեց, որ այն, ինչ կարող է սովորական քաղաքացու հետ տեղի ունենալ կյանքում՝ էլեկտրահարություն, ավտովթար և այլն, կա ներառված 2024-ի մահվան ցուցանիշների մեջ։

Որտեղի՞ց են գալիս ՀՀ բանակի խնդիրները, և ինչպես նվազագույնի հասցնել ոչ մարտական պայմաններում մահվան դեպքերը։

Factor TV-ի քննարկմանը մասնակցում են Զարուհի Հովհաննիսյանը՝ իրավապաշտպան,  Ժաննա Ալեքսանյանը՝ «Լրագրողներ հանուն մարդու իրավունքների» ՀԿ ղեկավար, իրավապաշտպան, Հրաչյա Արզումանյանը՝ Ազգային անվտանգության և ռազմական հարցերով փորձագետ, քաղաքագիտության դոկտոր, Վանուհի Կարապետյանը՝ ՄԻՊ գրասենյակի Զինծառայողների և նրանց ընտանիքի անդամների իրավունքների պաշտպանության բաժնի գլխավոր մասնագետ։

Մանրամասները՝ տեսանյութում։

Ռոբերտ Անանյան