09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Ուկրաինայի պաշտպանության նախարարի դեմ գործ է հարուցվել
Քաղաքականություն
28.01.2025 | 16:24
Ուկրաինայի ազգային հակակոռուպցիոն բյուրոն վարույթ է գրանցել Հակակոռուպցիոն գործողությունների կենտրոնի հայտարարության հիման վրա՝ կապված պաշտպանության նախարար Ռուստեմ Ումերովի ենթադրյալ հանցագործություն կատարելու հետ, գրում է DW-ի ռուսական ծառայությունը։
Ումերովը կասկածվում է պաշտոնեական դիրքի չարաշահման մեջ։ Հոդվածը նախատեսում է ազատազրկում՝ երեքից վեց տարի ժամկետով։
Ըստ տեղեկությունների՝ հունվարի 24-ին Ումերովը հրաժարվել է կատարել Պաշտպանական գնումների գործակալության (АОЗ) Դիտորդ խորհրդի որոշումը՝ АОЗ-ի տնօրեն Մարինա Բեզրուկովայի հետ պայմանագիրը մեկ տարով երկարաձգելու մասին։
Նախարարը նաև աշխատանքից ազատել է Դիտորդ խորհրդի երկու անդամների՝ Տարաս Չմուտին և Յուրի Ջիգիրին, ովքեր կողմ են քվեարկել այս որոշմանը, ասվում է Հակակոռուպցիոն գործողությունների կենտրոնի հայտարարության մեջ: Ասվում է նաև, որ պաշտպանական գնումների գործակալությունում վերահսկիչ խորհուրդների ստեղծումը ՆԱՏՕ-ի հիմնական հանձնարարականն է՝ այդ կառույցները արտաքին ճնշումից պաշտպանելու համար:
Ումերովը Բեզրուկովային մեղադրել է ռազմական գնումների և բանակի մատակարարման հետ կապված խնդիրների մեջ։
Թարգմանությունը՝ Տաթև Ֆռանգյանի
