06.12.2025 | 16:31
Ինչ եղանակ է սպասվում առաջիկա օրերին
Պատմաբանը՝ Փաշինյանին․ հանրային դեբատներ սկսելուց առաջ հարկավոր է գրքեր կարդալ կամ խորհրդակցել պատմաբանների հետ․ ՏԵՍԱՆՅՈՒԹ
Քաղաքականություն
28.01.2025 | 19:00
Այն, ինչ տեղի է ունեցել Ցեղասպանության տարիներին, լավ ուսումնասիրված է, և հայկական կողմի մեղքը փնտրելու փորձերը, որոնք կարելի է տեսնել Հայաստանի վարչապետի վերջին տարիների մի շարք հայտարարություններում, տագնապալի են, և դրանք կարելի է բնութագրել որպես victim blaming (զոհին ուղղված մեղադրանք), ասում է պատմաբան, ցեղասպանության հետազոտությունների հարցերով մասնագետ Սուրեն Մանուկյանը Factor TV-ին տված հարցազրույցում։
Անդրադառնալով վարչապետի հայտարարությանն այն մասին, թե ինչու Հայոց ցեղասպանության հարցն օրակարգում չկար 1939 թվականին և ի հայտ եկավ միայն 1950-ին, նա նշում է, որ ԽՍՀՄ-ում հարցի ուսումնասիրությունն արգելված էր, իսկ 1950 թվականին արդեն ընդունվեց Ցեղասպանության մասին կոնվենցիան։
Մանուկյանը կարծում է, որ ցեղասպանության օրակարգը ԽՍՀՄ իշխանությունները չեն հայտնագործել, իսկ հասկանալով, որ չի կարելի ամբողջությամբ փակել այդ հարցը, սկսեցին «գլխավորել» պրոցեսը։
Ըստ Սուրեն Մանուկյանի՝ իշխող «Քաղաքացիական պայմանագիր» կուսակցության առաջարկը հանրային դեբատների մասին պատշաճ ժամանակին չէ, երբ հայ հանրությունը դեռևս չի վերապրել Արցախի կորստի ցավը, իսկ քննարկումներ սկսելուց առաջ իշխանության ներկայացուցիչները պետք է ուսումնասիրեն թեման։
«Կա՛մ հարկավոր է գրքեր կարդալ, կա՛մ խորհրդակցել պատմաբանների հետ»,- եզրափակում է Մանուկյանը։
Հարցազրույցն ամբողջությամբ՝ տեսանյութում։
Սամվել Մելիքսեթյան
