15.05.2025 | 23:31
Ադրբեջանում 2024 թվականին զոհվել է 51 զինծառայող, 2025-ի առաջին հինգ ամիսներին` 14 զինծառայող
Ռուսաստանը սիրիական Տարտուսի ռազմաբազայից մեծ քանակությամբ տեխնիկա է տարհանել
Քաղաքականություն
28.01.2025 | 15:34
Սիրիական Տարտուսում ռուսական ռազմաբազայի մոտակայքում բեռնանավերը սկսել են տեղափոխել ռազմական տեխնիկան։ Այս մասին են վկայում արբանյակային լուսանկարները։ Բեռների տեղափոխման անվտանգությունը հսկվում է ռուսական ռազմական նավատորմի մարտական նավերի կողմից։
Պատժամիջոցների տակ գտնվող «Օբորոնլոգիստիքս» նավագնացային ընկերությանը պատկանող ռուսական Sparta և Sparta II բեռնատար նավերի՝ Տարտուս նավահանգիստ ժամանման մասին հայտնել է անցյալ ուրբաթ BBC-ն, որն ուսումնասիրել է արբանյակային լուսանկարները։
Հունվարի 27-ին «Ազատություն» ռադիոկայանի հետաքննող լրագրող Մարկ Կրուտովը թարմ կադրեր էր հրապարակել։ Ըստ նավի հետագծման տվյալների՝ այն նավահանգիստ է եկել երեքշաբթի երեկոյան:
Դատելով պատկերներից՝ վերջին շաբաթների ընթացքում նավահանգստի տարածք են առաքվել զինտեխնիկայի բազմաթիվ միավորներ։ Մասնավորապես, լուսանկարում տասնյակ մեքենաներ են և մեծ քանակությամբ տեխնիկա։ BBC-ն գրում է, որ ռուս զինվորականները սկսել են տեխնիկան հավաքել Տարտուսի մոտ դեկտեմբերի կեսերին՝ Բաշար Ասադի ռեժիմի տապալումից հետո։
Թարգմանությունը՝ Տաթև Ֆռանգյանի
