20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Դանիան կուժեղացնի Արկտիկայում ռազմական ներկայությունը Թրամփի սպառնալիքներից հետո
Քաղաքականություն
28.01.2025 | 17:30
Դանիան ծրագրում է լրացուցիչ միջոցներ՝ 14,6 միլիարդ դանիական կրոն հատկացնել, որը հավասար է 2,05 միլիարդ դոլարի, ԱՄՆ նախագահ Դոնալդ Թրամփի՝ Գրենլանդիա կղզու նկատմամբ լիակատար վերահսկողություն հաստատելու մտադրության մասին հայտարարությունների պատճառով Արկտիկայում իր ռազմական ներկայությունն ուժեղացնելու համար։ Այս մասին հայտնում է Reuters-ը։
Ավելի քան մեկ տասնամյակ պաշտպանական ծախսերի արագ կրճատումից հետո Դանիան անցյալ տարի նախատեսել է 190 միլիարդ դանիական կրոն (26 միլիարդ դոլար) իր զինված ուժերի համար՝ հաջորդ 10 տարիների ընթացքում: Այդ միջոցների մի մասն այժմ ուղղվելու է Արկտիկայի պաշտպանությանը:
Դանիան, որը պատասխանատու է Գրենլանդիայի անվտանգության և պաշտպանության համար, ունի սահմանափակ ռազմական հնարավորություններ հսկայական կղզում, որը համարվում է անվտանգության ոլորտում «սև խոռոչ»:
Դանիայի պաշտպանության նախարար Տրոելս Լունդ Պոուլսենն ասել է, որ համաձայնագիրը ներառում է Արկտիկայի նավատորմի համար երեք նոր նավերի գնում և սպասարկում, հեռահար հսկողության անօդաչու թռչող սարքերի քանակի ավելացում և արբանյակային հսկողության համակարգերի գործարկում:
Թարգմանությունը՝ Տաթև Ֆռանգյանի
