24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Coca-Cola-ն հետ է կանչում Եվրոպայում իր արտադրանքը՝ քլորատի բարձր պարունակության պատճառով
Քաղաքականություն
28.01.2025 | 13:05
Coca-Cola-ն հայտարարել է եվրոպական որոշ երկրներում իր արտադրանքը հետ կանչելու մասին՝ այն բանից հետո, երբ պարզվել է, որ դրանք պարունակում են քիմիական քլորատի «բարձր մակարդակ»: Ընկերությունը հայտնել է, որ իր արտադրանքը հետ է կանչում Բելգիայի, Լյուքսեմբուրգի և Նիդերլանդների դարակաշարերից: Ընկերությունը մանրամասնել է, որ այս խմբաքանակից հինգ տեսակի ապրանքանիշ առաքվել է Մեծ Բրիտանիա անցյալ տարվա վերջին, և բոլորն արդեն սպառվել են։
Քլորատը կարող է առաջանալ, երբ քլորի վրա հիմնված ախտահանիչներն օգտագործվում են ջրի մաքրման և սննդի արդյունաբերության մեջ:
«Անկախ փորձագիտական վերլուծությունը ցույց է տալիս, որ սպառողների համար ռիսկը շատ փոքր է»,- BBC-ին ասել է ընկերության ներկայացուցիչը:
Coca-Cola-ն հայտարարել է, որ ընկերությունը ոչ մի բողոք չի ստացել բրիտանացի սպառողների կողմից և կշարունակի համագործակցել Մեծ Բրիտանիայի իշխանությունների հետ այս հարցով:
Քլորատի բարձր մակարդակը կարող է բացասական ազդեցություն ունենալ առողջության վրա և հանգեցնել վահանաձև գեղձի խնդիրների, հատկապես՝ երեխաների և նորածինների մոտ:
Քիմիական նյութի վերաբերյալ վերջին հետազոտությունների համաձայն՝ քլորի բարձր մակարդակ պարունակող մթերքների օգտագործումը կարող է առաջացնել սրտխառնոց, փսխում, փորլուծություն և արյան՝ թթվածին կլանելու ունակության նվազում։
Թարգմանությունը՝ Տաթև Ֆռանգյանի
