08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԵՄ-ն մասնակիորեն չեղարկել է Վրաստանի հետ վիզաների ազատականացման համաձայնագիրը
Քաղաքականություն
27.01.2025 | 19:42
ԵՄ անդամ երկրների արտաքին գործերի նախարարությունների ղեկավարները երկուշաբթի կայացած հանդիպմանը վերջնականապես հաստատել են Վրաստանի հետ վիզային ռեժիմի ազատականացման համաձայնագիրը մասնակի չեղարկելու որոշումը, մասնավորապես, վերականգնվել են վիզաները ծառայողական և դիվանագիտական անձնագրեր ունեցողների համար, ասվում է Եվրամիության խորհուրդի հաղորդագրությունում։
Անցած շաբաթ այս որոշումը հավանության էր արժանացել ԵՄ անդամ երկրների մշտական ներկայացուցիչների կողմից։
ԵՄ արտաքին գործերի նախարարների հանդիպումից առաջ միության արտաքին քաղաքականության հարցերով բարձր ներկայացուցիչ Կայա Կալլասն ասել է, որ համաձայնագիրն արդեն մասամբ կասեցված է։
Նշվում է, որ որոշումն արձագանք է անցյալ տարի Վրաստանի կողմից «Օտարերկրյա ազդեցության թափանցիկության մասին օրենքի» և «ընտանեկան արժեքների և անչափահասների պաշտպանության մասին» օրենսդրական փաթեթի ընդունմանը։ ԵՄ-ն կարծում է, որ այս օրենքները խարխլում են վրաց ժողովրդի հիմնարար իրավունքները, այդ թվում՝ միավորվելու և արտահայտվելու ազատությունը, գաղտնիության իրավունքը, հանրային գործերին մասնակցելու իրավունքը և մեծացնում են խտրականությունը:
Թարգմանությունը՝ Տաթև Ֆռանգյանի
