25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Բուդանովը հայտարարել է, որ Ուկրաինայի գոյությանը վտանգ կսպառնա, եթե խաղաղության բանակցությունները մինչև ամառ չսկսվեն
Քաղաքականություն
27.01.2025 | 18:35
Ուկրաինայի Պաշտպանության նախարարության հետախուզության գլխավոր վարչության պետ Կիրիլ Բուդանովը նախազգուշացրել է, որ պատերազմի ավարտի վերաբերյալ լուրջ բանակցությունները պետք է սկսել մինչև ամառ, քանի որ կարող են սկսվել գործընթացներ, որոնք սպառնում են Ուկրաինայի գոյությանը, գրում է Unian-ը։
Լրատվամիջոցի տվյալներով՝ օրերս Գերագույն Ռադայում փակ հանդիպում է տեղի ունեցել։ Խորհրդարանի և խմբակցությունների ղեկավարները պաշտպանության ուժերի հրամանատարությանը հրավիրել են՝ հասկանալու համար պատերազմի իրական վիճակը։
«Գլխավոր շտաբի ներկայացուցիչները սկզբում շատ բան պատմեցին, շփոթեցնող, բայց շատ հետաքրքիր ձևով։ Հետո եղան այլ տարբեր հաղորդումներ: Բայց պատասխանը, որն ամենաշատն եմ հիշում, Բուդանովինն էր: Ինչ-որ մեկը նրան հարցրեց, թե դեռ որքա՞ն ժամանակ ունենք: Կիրիլը սառը ժպիտով ասաց․ «Եթե մինչև ամառ լուրջ բանակցություններ չլինեն, ապա Ուկրաինայի գոյության համար շատ վտանգավոր գործընթացներ կարող են սկսվել»։ Բոլորը նայեցին միմյանց ու լռեցին։ Պետք է, որ ամեն ինչ ստացվի»,- պատմել է հանդիպմանը մասնակցած աղբյուրը։
Թարգմանությունը՝ Էմմա Չոբանյանի
