10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
ՀԴԲ-ն զգուշացրել է Նյու Յորքում միջուկային զորավարժությունների մասին
Քաղաքականություն
27.01.2025 | 17:02
Հունվարի 26-ից 31-ը Նյու Յորք նահանգում տեղի է ունենում միջուկային միջադեպերի արձագանքման լայնածավալ, բազմաֆունկցիոնալ զորավարժություն, հայտնել են ՀԴԲ-ից։ Գերատեսչության մամուլի ծառայությունից պարզաբանել են, որ 2012 թվականից ի վեր նմանատիպ զորավարժություններ պարբերաբար անցկացվում են ԱՄՆ-ում։
Զորավարժություններն անցկացվելու են Սքենեքթադ քաղաքի մերձակայքում, ինչպես նաև մոտակա Ալբանի, Սարատոգա շրջաններում։ Զորավարժություններին մասնակցում են ՀԴԲ-ի, Պենտագոնի, Էներգետիկայի դեպարտամենտի, Միջուկային անվտանգության ազգային վարչության և Ներքին անվտանգության դեպարտամենտի անձնակազմերը, ինչպես նաև ոստիկաններ, հրշեջներ և առողջապահության ոլորտի պաշտոնյաներ:
Հետաքննությունների դաշնային բյուրոն բացատրել է, որ զորավարժություններն ուղղված են ԱՄՆ-ում կամ արտասահմանում միջուկային վթարի դեպքում օպերատիվ պատրաստվածության կիրառմանը: Դրանք կանցկացվեն անհատական պաշտպանության միջոցներով՝ «իրատեսական պայմանները մոդելավորելու համար»։
ՀԴԲ-ն վստահեցրել է, որ զորավարժությունները որևէ վտանգ չեն ներկայացնում տարածքի բնակիչների համար և կոչ են արել քաղաքացիներին չանհանգստանալ ռազմական անձնակազմի և ինքնաթիռների, ինչպես նաև պաշտպանիչ հանդերձանքով մարդկանց առկայությունից։
Թարգմանությունը՝ Տաթև Ֆռանգյանի
