16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՌԴ-ն դեռ ազդանշաններ չի ստացել ԱՄՆ-ից Պուտինի և Թրամփի շփումների վերաբերյալ. Պեսկով
Քաղաքականություն
27.01.2025 | 15:30
ՌԴ նախագահի մամուլի քարտուղար Դմիտրի Պեսկովը հայտնել է, որ Վաշինգտոնը դեռևս չի կապվել Մոսկվայի հետ Վլադիմիր Պուտինի և Դոնալդ Թրամփի բանակցությունների հարցով։ Կրեմլի ներկայացուցիչը ևս մեկ անգամ ընդգծել է երկու պետությունների ղեկավարների միջև զրույց կազմակերպելու պատրաստակամության մասին, գրում է Կոմերսանտը։
«Առայժմ մենք ամերիկացիներից որևէ ազդանշան չենք ստացել։ Ուստի մենք աշխատում ենք, ինչպես ասում են, մեր ժամանակացույցով։ Պատրաստակամությունը պահպանվում է։ Նույն պատրաստակամությունը, որքան մենք լսել ենք, շարունակվում է ամերիկյան կողմում։ Ըստ ամենայնի, որոշակի ժամանակ է պետք»,- ասել է Պեսկովը։
ԱՄՆ-ի և Ռուսաստանի ղեկավարների հանդիպում կազմակերպելու մասին հստակեցնող հարցին նա պատասխանել է. «Դա, որպես կանոն, քննարկում են իրենք՝ պետությունների ղեկավարները, այն ժամանակ, երբ նպատակահարմար են գտնում կազմակերպել նման խոսակցություն»։
Թարգմանությունը՝ Տաթև Ֆռանգյանի
