«ՍՕՍ-Մանկական Գյուղեր» տեղափոխվող «Գավառի մանկատան» սաները ԱՍՀ նախարարի հետ ծանոթացել են կենտրոնի պայմաններին

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

«Գավառի մանկատան» սաներն, ովքեր առաջիկայում տեղափոխվելու են «ՍՕՍ-Մանկական Գյուղեր Հայաստան» բարեգործական հիմնադրամի «Կոտայք» մասնաճյուղ, Աշխատանքի և սոցիալական հարցերի նախարար Նարեկ Մկրտչյանի, «ՍՕՍ-Մանկական Գյուղեր Հայաստան» բարեգործական հիմնադրամի ազգային տնօրեն Սպարտակ Սարգսյանի և կազմակերպության «Կոտայք» մասնաճյուղի տնօրեն Ռուբիկ Փաշինյանի հետ շրջել են կենտրոնում, ծանոթացել պայմաններին, մատուցվող ծառայությունների շրջանակին, տվել իրենց հուզող հարցերն ու ստացել պատասխանները։

Ինչպես  տեղեկանում ենք ԱՍՀ նախարարության տարածած հաղորդագրությունից, երեխաներին ներկայացվել է «ՍՕՍ-Մանկական Գյուղեր Հայաստան» բարեգործական հիմնադրամի պատմությունը, կազմակերպության կողմից մատուցվող խնամքի տեսակները, մանկատան և կազմակերպության կողմից տրամադրվող ծառայությունների տարբերությունները՝ մասնավորապես այն, որ երեխաներն այստեղ ապրելու են ընտանեկանին մոտ միջավայրում՝ առանձնացված տներում (առավելագույնը 6 անձ)՝ «ՍՕՍ ընտանիքներ»-ում կամ «ՍՕՍ մայրեր»-ի խնամքին։

Խնամքի ձևը լինելու է ընտանեկանին առավելագույնս մոտ. երեխաներն այստեղ խնամք են ստանալու մինչև 18 տարեկանը լրանալը, որից հետո նրանք անցնելու են ուղեկցող անկախ բնակության փուլ՝ «ՍՕՍ-Մանկական Գյուղեր Հայաստան» բարեգործական հիմնադրամի աջակցությամբ և ուղղորդմամբ։

«ՍՕՍ-Մանկական Գյուղեր Հայաստան» բարեգործական հիմնադրամի կողմից տրամադրվում են այլընտրանքային խնամքի հետևյալ ծառայությունները՝ ընտանեկան տիպի խնամք, երկարաժամկետ և ճգնաժամային, խնամք՝ ինտեգրված ընտանիքներում, խնամք՝ խնամատար ընտանիքներում, ուղեկցող անկախ բնակության փուլ։ Կարիքի գնահատումն ու անհատական զարգացման պլանի կազմումն իրականացվում է երեխայի հետ՝ հաշվի առնելով նրա կարիքներն ու հնարավորությունները։

Երեխաները հաճախում են համայնքային դպրոց, օգտվում բուժհաստատությունների և համայնքային ծառայություններից։ Ըստ անհրաժեշտության, ստանում են հոգեբանի, լոգոպեդի, հատուկ մանկավարժի ծառայություններ։ Կրթությունից հետ մնացած երեխաների հետ աշխատանքում ներգրավվում են մանկավարժներ։

Երեխաների համար կազմակերպվում են բազմաթիվ դասընթացներ՝ ուղղված երեխաների իրավունքների պաշտպանությանը, գենդերային հավասարությանը, մասնագիտական կողմնորոշմանը. կազմակերպվում է ամառային հանգիստ։