08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
USAID-ը հրահանգ է ստացել դադարեցնել նախագծերն Ուկրաինայում
Քաղաքականություն
27.01.2025 | 13:24
Ուկրաինայում ԱՄՆ Միջազգային զարգացման գործակալությանը (USAID) հանձնարարվել է կասեցնել բոլոր նախագծերը և դրանց վրա ծախսերը՝ պետքարտուղար Մարկո Ռուբիոյի հրամանից հետո, որով 90 օրով սառեցվում են օտարերկրյա օգնության ծրագրերի մեծ մասը և դադարեցվում են նոր դրամաշնորհները: Այս մասին հայտնել է Կիևում USAID-ի գրասենյակը, գրում է DW-ի ռուսական ծառայությունը։
Գրասենյակը չի հստակեցրել, թե ինչպես են նախատեսում իրականացնել հրահանգը, արդյո՞ք բացառություններ նախատեսված են՝ բոլոր հարցերը վերաուղղելով ԱՄՆ Պետքարտուղարությանը։
USAID-ն Ուկրաինայում աջակցում է դպրոցների վերանորոգմանը, առողջապահությանը և կարևոր էներգետիկ ենթակառուցվածքների վերականգնմանը:
Ուկրաինայի նախագահ Վլադիմիր Զելենսկին հունվարի 25-ին նշել է, որ Ռուբիոյի հրահանգը չի վերաբերում Ուկրաինային ռազմական օգնությանը։ Մինչդեռ Financial Times-ը հաղորդել է, որ ԱՄՆ Պետքարտուղարության Եվրոպայի ու Եվրասիայի հարցերով բյուրոյի դիվանագետները պետքարտուղարին խնդրել են ամբողջությամբ բացառել Ուկրաինան հունվարի 25-ի հրահանգից:
Ավելի վաղ ԱՄՆ նախագահ Դոնալդ Թրամփը կարգադրել էր դադարեցնել վճարումները՝ ստուգելու համար՝ արդյո՞ք միջոցների բաշխումը համապատասխանում է իր արտաքին քաղաքականությանը։
Թարգմանությունը՝ Տաթև Ֆռանգյանի
