17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Պաղեստինցիները սկսել են վերադառնալ Գազայի հատվածի հյուսիս
Քաղաքականություն
27.01.2025 | 14:14
Պաղեստինցիները սկսել են վերադառնալ Գազայի հատվածի հյուսիս՝ Իսրայելի և պաղեստինյան ՀԱՄԱՍ շարժման միջև հրադադարի ֆոնին: Այս մասին հայտնում է Agence France-Presse-ը՝ հղում կատարելով անկլավի ներքին գործերի նախարարության ներկայացուցչին:
«Տեղահանված պաղեստինցիները սկսել են շարժվել Ալ-Ռաշիդ ճանապարհով «Նեցարիմ» անցակետի արևմտյան մասով՝ դեպի Գազա քաղաք և հյուսիս»,- ասել է նա։
Անցած գիշեր Կատարի ԱԳՆ պաշտոնական ներկայացուցիչ Մաջիդ ալ-Անսարին հայտնել է, որ Իսրայելի իշխանությունները վաղ առավոտից թույլ կտան պաղեստինցիներին տեղաշարժվել Գազայի հարավից հյուսիս՝ մինչ հունվարի 31-ը 3 իսրայելցի գերիների ազատ արձակման դիմաց։
Հիշեցնենք՝ Գազայի հատվածում հրադադարը ուժի մեջ է մտել հունվարի 19-ից։
Համաձայնագրի իրականացումը նախատեսում է երեք փուլ։ Առաջինը նախատեսված է 42 օրվա համար։ Այդ ընթացքում կգործի հրադադար, և իսրայելական ուժերը կլքեն գոտու ամենախիտ բնակեցված տարածքները և կնահանջեն դեպի անկլավի սահմաններ։ ՀԱՄԱՍ-ը կազատի 33 իսրայելցի պատանդների, այդ թվում՝ կանանց և տարեց քաղաքացիների, մինչդեռ Իսրայելը կազատի 1890 պաղեստինցի բանտարկյալների։
Եթե առաջին փուլի պայմանները հաջողությամբ կատարվեն, ապա ենթադրվում է, որ կողմերը կպայմանավորվեն հետագա փուլերի շուրջ։
Թարգմանությունը՝ Տաթև Ֆռանգյանի
