10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Իրավապաշտպանները Սիրիայում «հաշվեհարդարի մահապատիժներ» են գրանցել
Քաղաքականություն
27.01.2025 | 12:09
Սիրիայում տարեսկզբից 91 սպանություն է գրանցվել Բաշար Ասադի ռեժիմի կողմնակիցների դեմ հաշվեհարդարի արշավի շրջանակում։ Այս մասին հայտնել է Լոնդոնում գործող Մարդու իրավունքների սիրիական դիտորդական կենտրոնը (SOHR), փոխանցում է DW-ի ռուսական ծառայությունը։
Ըստ կենտրոնի՝ զոհերի ընդհանուր թիվը կազմել է 190, այդ թվում՝ հինգ կին։ Ամենաշատ զոհերը գրանցվել են Հոմսում, Համայում և Լաթաքիայում։
Ըստ իրավապաշտպանները՝ հանցագործությունները կատարվում են քաղաքական և կրոնական դրդապատճառներով, ինչը վկայում է «անվտանգության աղետալի խախտման մասին»։
SOHR-ը մատնանշում է, որ նման հանցագործությունները «խորացնում են պառակտումը սիրիացիների միջև», և որ կոշտ միջոցներ պետք է ձեռնարկվեն նման խախտումներին վերջ տալու, բոլոր մեղավորներին պատասխանատվության ենթարկելու և երկրին «անվտանգությունն ու կայունությունը» վերադարձնելու համար:
Հաղորդվում է, որ մահապատժի ենթարկվածների մեծ մասը Ասադի կառավարության նախկին պաշտոնյաներ են եղել։ Սիրիայի նոր իշխանությունների կողմից վերահսկվող տեղական զինված խմբավորումների տասնյակ անդամներ ձերբակալվել են երկրի արևմուտքում գտնվող Հոմսի շրջանում։
Թարգմանությունը՝ Տաթև Ֆռանգյանի
