08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ ԿՀՎ-ն հանգել է եզրակացության, որ COVID-19 համաճարակն առաջացել է չինական լաբորատորիայից արտահոսքի պատճառով. NYT
Քաղաքականություն
27.01.2025 | 12:31
ԱՄՆ Կենտրոնական հետախուզական վարչությունը (ԿՀՎ) հակված է այն վարկածին, որ COVID-19 համաճարակը, որն ավելի քան 7 միլիոն մարդու մահվան պատճառ է դարձել ամբողջ աշխարհում, կարող էր սկսվել Չինաստանի Ուհան քաղաքի լաբորատորիայից վիրուսի արտահոսքի պատճառով: Այս մասին հայտնում է The New York Times-ը՝ վկայակոչելով ԿՀՎ վերջին վերլուծական զեկույցը։
Երկար ժամանակ ԿՀՎ-ն հայտնում էր, որ չունի վիրուսի ճշգրիտ ծագումը որոշելու համար անհրաժեշտ տվյալներ՝ պարզելու՝ այն փոխանցվել է կենդանիների՞ց, թե՞ լաբորատոր արտահոսքի հետևանք է:
Ըստ NYT-ի իրազեկ աղբյուրների՝ գերատեսչության դիրքորոշումը փոխվել է ոչ թե նոր հետախուզական տվյալների, այլ առկա տեղեկատվության ավելի խորը վերլուծության արդյունքում:
Չնայած ԿՀՎ-ն լաբորատոր արտահոսքն անվանելլ է որպես համաճարակի ամենահավանական պատճառ՝ The Wall Street Journal-ը, վկայակոչելով գերատեսչության հաղորդագրությունը, պարզաբանում է, որ այս վարկածը հիմնված է «վստահության ցածր աստիճանի» վրա։ Զեկույցում ընդգծվում է, որ հետաքննությունը շարունակվում է, և որ նոր ապացույցներ գտնելը մնում է ԿՀՎ-ի առաջնահերթությունը:
Թարգմանությունը՝ Տաթև Ֆռանգյանի
