13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Կոմիտասը՝ ընտրակաշառքի խորհրդանիշ 10 հազար դրամանոցի վրա․ թղթադրամների նոր տեսքը՝ քննադատության թիրախում
Հասարակություն
14.07.2017 | 15:00
Արդեն հայտնի է, որ Հայաստանի ազգային դրամն առաջիկայում արտաքին ձևափոխության կենթարկվի։ Կփոխվեն թղթադրամների թեմաներն ու գեղարվեստական լուծումները։ Նոր՝ 3- րդ սերնդի դրամները դրամաշրջանառության մեջ կներդրվեն 2018 թվականին: Այսպիսով՝ 1000 դրամի վրա կհայտնվի Պարույր Սևակը, 2 000 դրամի վրա՝ Տիգրան Պետրոսյանը, 5 000 դրամի վրա՝ Վիլյամ Սարոյանը, 10 000 դրամի վրա՝ Կոմիտասը, 20 000-ի վրա՝ Հովհաննես Այվազովսկին, 50 000-ի վրա՝ Սուրբ Գրիգոր Լուսավորիչը։
Թղթադրամների էսքիզների որոշման նպատակով Կենտրոնական բանկի կողմից հայտարարվելու է բաց մրցույթ:
Factor.am-ը Կենտրոնական բանկի հասարակայնության հետ կապերի ծառայությունից ճշտել է՝ արդյոք նման որոշում կայացնելուց առաջ անցկացվե՞լ է հանրային քննարկում, արդյոք հաշվի առնվե՞լ է մտավորականների կարծիքը: Մեզ տեղեկացրեցին, որ բանկը խորհրդակցել է Հայ առաքելական եկեղեցու ներկայացուցիչների և մի քանի մտավորականի հետ:
Խնդրեցինք հստակեցնել՝ կոնկրետ որ մտավորականների մասին է խոսքը: Ծառայությունից տվեցին երկու հոգու՝ Հայաստանի գրողների միության նախագահ Էդվարդ Միլիտոնյանի և Հայաստանի ազգային պատկերասրահի տնօրեն Արման Ծատուրյանի անունները:
Թղթադրամների գեղարվեստական նոր լուծումները, սակայն, բուռն քննարկումների առիթ են դարձել հայ հանրության շրջանում: Քննադատները հիմնականում նշում են, որ հայկական թղթադրամներին պետք է հայտնվեն այն անձանց պատկերները, որոնք մեծ դեր են ունեցել հատկապես հայոց պետականության հաստատման հարցում:
Factor.am-ը թեմայի շուրջ զրուցել է հուշարձանագետ Սամվել Կարապետյանի և գեղանկարիչ Հաղթանակ Շահումյանի հետ։
Աննա Բաբաջանյան
