05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ԱԳ փոխնախարարը՝ ռուս սահմանապահների՝ հայ-թուրքական և հայ-իրանական սահմանից դուրսբերման մասին․ ՏԵՍԱՆՅՈՒԹ
Քաղաքականություն
24.01.2025 | 14:52
«ԱՄՆ-ից մաքսային և սահմանային վերահսկողության հարցերով թիմի ժամանումը Հայաստան վերաբերում է ՀՀ սահմանային հսկողության արդյունավետության բարձրացմանը, ոչ թե այս կամ այն երկրի հետ որևէ հատուկ զգայուն ասպեկտների»,- այս մասին ԱԺ-ում լրագրողների հետ ճեպազրույցում ասաց ՀՀ արտաքին գործերի փոխնախարար Պարույր Հովհաննիսյանը՝ պատասխանելով հարցին, թե արդյո՞ք այդ հարցը քննարկվել է Իրանի հետ։
Պաշտոնյան պատասխանեց, որ հայկական կողմն այս թեմայով քննարկում է ունեցել Իրանի հետ, որևէ մտահոգություն արտահայտված չէ։
«Չեմ տեսնում որևէ հարց, որ իրանական կողմի հետ չհասնենք համաձայնության, մեր հարաբերություններն աննախադեպ բարձր մակարդակի վրա են գտնվում»,-նշեց փոխարտգործնախարարը։
Հարցին՝ Հայաստանի սահմանային կարողությունների ամրապնդելու Միացյալ Նահանգների աջակցությունը կնպաստի՞ նաև հայ-թուրքական և հայ-իրանական սահմանից ռուս սահմանապահների դուրսբերմանը, փոխանախարարն արձագանքեց․ «Իհարկե, իդեալական աշխարհում ամեն երկիր պետք է ի վիճակի լինի վերահսկել իր սահմանը։ Պետք է վերջապես ինքներս վերահսկենք մեր սահմանը»։
Մանրամասները՝ տեսանյութում։
