Քաղաքականություն
24.01.2025 | 16:34
ԵՄ դեսպանները պայմանավորվել են դադարեցնել Վրաստանի քաղաքացիների դիվանագիտական անձնագրերի համար առանց վիզայի ռեժիմը: Այս մասին X-ում հայտնել է «Ազատություն» ռադիոկայանի խմբագիր Ռիկարդ Յոզվիակը։
Այս քայլը պատասխան է Վրաստանի իշխանությունների կողմից խաղաղ ցուցարարների, քաղաքական գործիչների և անկախ լրատվամիջոցների նկատմամբ ճնշումներին, որոնք սկսվել են այն բանից հետո, երբ իշխանությունները նոյեմբերի 28-ին հայտարարեցին, որ չեն ձգտելու ԵՄ-ի հետ բանակցություններ սկսել մինչև 2028 թվականի վերջ։
«ԵՄ դեսպաններն այսօր առավոտյան կանաչ լույս են տվել վրացական դիվանագիտական անձնագրերի համար առանց վիզայի ռեժիմը կասեցնելուն: Արտգործնախարարները սա կհաստատեն երկուշաբթի»,- նշել է Յոզվյակը:
Նրա խոսքով՝ Հունգարիան և Սլովակիան դեմ են քվեարկելու, բայց սա նշանակություն չի ունենա, քանի որ այս որոշումն ընդունելու համար անհրաժեշտ է մեծամասնության ձայները։
Թարգմանությունը՝ Տաթև Ֆռանգյանի
