09.05.2025 | 23:12
Համարում եմ, որ մարիխուանան Հայաստանում պետք է օրինականացնել. Ալեն Սիմոնյան
Կամո Ցուցուլյանն ընդունել է ԱՄՆ Կանզասի ազգային գվարդիայի պատվիրակությանը
Քաղաքականություն
24.01.2025 | 13:17
Հունվարի 22-ին Փրկարար ծառայության տնօրեն-ՆԳ նախարարի տեղակալ Կամո Ցուցուլյանը ընդունել է ԱՄՆ Կանզասի Ազգային գվարդիայի հրամանատար, գեներալ-մայոր Մայքլ Վեներդիի գլխավորած պատվիրակությանը. տեղեկացնում են ՆԳՆ ՓԾ-ից։
Փրկարար ծառայության տնօրենը շարունակական աջակցության համար շնորհակալություն է հայտնել ԱՄՆ կառավարությանը՝ բարձր գնահատելով Փրկարար ծառայության և ԱՄՆ Կանզասի Ազգային գվարդիայի միջև ձևավորված արդյունավետ համագործակցությունը։ Կամո Ցուցուլյանն անդրադարձել է համատեղ իրականացվող ուսումնավարժանքների արդյունավետությանը, Աղետների ռիսկի կառավարման ռազմավարության առաջնահերթություններին և ճգնաժամային հաղորդակցության բարելավմանը։ Փրկարար ծառայության տնօրենը կարևորել է վտանգների և ռիսկերի կառավարման փուլում միջազգային գործընկերների հետ ակտիվ փոխգործակցությունը։
Կանզասի Ազգային գվարդիայի հրամանատարը կարևորել է գործընկերների հետ բաց հաղորդակցությունը, նշել, որ համագործակցության արդյունքում շարունակաբար զարգանում են նաև ազգային գվարդիայի անձնակազմի կարողությունները։ Անդրադառնալով Աղետների կառավարման ճգնաժամային կենտրոնի աշխատանքին՝ Մայքլ Վեներդին ներկայացրել է արտակարգ իրավիճակներին արձագանքելու և միջոցառումները համակարգելու վերաբերյալ սեփական փորձը։ Քննարկվել են դիմակայունության բարձրացման, աղետների վերլուծության և վարժանքների կազմակերպման ու անցկացման վերաբերյալ հարցեր։
Կողմերը պատրաստակամություն են հայտնել շարունակելու և ընդլայնելու համագործակցությունը։
