20.02.2026 | 11:26
«Նոայի» նախագահ․ Դուք մոտիվացրիք ինձ ավելի շատ ներդրում անել հայկական ֆուտբոլում
Պակիստանի ռազմական պատվիրակությունը Բաքվում է
Քաղաքականություն
23.01.2025 | 21:44
Ադրբեջանի բանակի ցամաքային զորքերի հրամանատարի տեղակալ, գեներալ-մայոր Իլգար Լատիֆովը հանդիպել է պաշտոնական այցով Բաքվում գտնվող Պակիստանի զինված ուժերի ռազմական գործողությունների տնօրեն, գեներալ-մայոր Աբդուլլահ Քաշիֆի գլխավորած պատվիրակությանը։ Ադրբեջանական կողմի փոխանցմամբ՝ հանդիպմանը քննարկվել են ռազմական ոլորտում Ադրբեջանի և Պակիստանի միջև համագործակցության ներկա վիճակը և հեռանկարները։
Կողմերը կարևորել են փորձի փոխանակման ամրապնդումը զինվորական անձնակազմի գիտելիքների և հմտությունների կատարելագործման, ինչպես նաև համատեղ զորավարժությունների ինտենսիվության բարձրացման համար։
Հանդիպումից հետո ստորագրվել է «Ադրբեջանի բանակի ցամաքային զորքերի և Պակիստանի ցամաքային զորքերի միջև շտաբային բանակցություններ վարելու հրահանգը»։
Թարգմանությունը՝ Էմմա Չոբանյանի
