26.04.2025 | 19:11
Գոռ Շատվերյանը՝ սամբոյի Եվրոպայի առաջնության չեմպիոն
Պուտինը կարծում է, որ հասել է պատերազմի հիմնական նպատակներին․ Reuters
Քաղաքականություն
23.01.2025 | 18:21
ՌԴ նախագահ Վլադիմիր Պուտինը կարծում է, որ Ուկրաինա ներխուժման հիմնական նպատակներն արդեն իսկ իրականացվել են, սակայն նրան անհանգստացնում է տնտեսական իրավիճակի վատթարացումը և տնտեսության ձախողումները, հայտնում է Reuters-ը՝ վկայակոչելով իր աղբյուրին։
2024 թվականին ռուսական բանակին հաջողվել է Ուկրաինայում հինգ անգամ ավելի շատ հողեր գրավել, քան նախորդ տարի, և պահպանել վերահսկողությունը Ուկրաինայի տարածքի գրեթե 20%-ի նկատմամբ։ ՌԴ ղեկավարը գոհ է, որ զորքերին հաջողվել է գրավել Ռուսաստանը Ղրիմի հետ կապող «ցամաքային կամուրջը», ասել է Կրեմլի դիրքորոշմանը ծանոթ աղբյուրը։
Նշվում է, որ Պուտինը տեղյակ է այն խնդիրների մասին, որ պատերազմն առաջացրել է Ռուսաստանի տնտեսության համար, օրինակ՝ բարձր տոկոսադրույքների ազդեցությունը բիզնեսի և արդյունաբերության ոլորտների վրա, որոնք կապված չեն ռազմական ոլորտին:
Ռուսաստանի տնտեսական զարգացման նախարարության տվյալներով՝ 2024 թվականի հունվար-նոյեմբերին ՌԴ ՀՆԱ-ն աճել է 4%-ով, սակայն 2025 թվականին տնտեսությանը սպառնում է կտրուկ լճացում։ Արդյունքում ռուսական վերնախավի մի մասը, ինչպես նշել են երկու այլ զրուցակիցներ, այժմ կարծում է, որ Ուկրաինայի դեմ պատերազմը ցանկալի է դադարեցնել բանակցությունների միջոցով։ Ինքը՝ Պուտինը տնտեսության մեջ «մեծ խնդիրներ» է տեսնում, ասել է աղբյուրը։
Տնտեսական դժվարություններից Պուտինի հիասթափությունն ակնհայտ է եղել դեկտեմբերի 16-ին գործարարների հետ հանդիպման ժամանակ, հայտնում է Reuters-ը։
Թարգմանությունը՝ Տաթև Ֆռանգյանի
