08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը նախատեսում է Եվրոպայից 20,000 ամերիկացի զինվորականների դուրս բերել
Քաղաքականություն
23.01.2025 | 17:36
ԱՄՆ նախագահ Դոնալդ Թրամփը նախատեսում է շուրջ 20 տոկոսով կրճատել Եվրոպայում ամերիկյան զորախումբը և դուրս բերել մոտ 20 հազար զինվորականի։ Այս մասին հայտնել է իտալական ANSA գործակալությունը՝ հղում անելով եվրոպական դիվանագիտական աղբյուրին, փոխանցում է Meduza-ն։
Գործակալության աղբյուրը հավելել է, որ Թրամփը մտադիր է ֆինանսական աջակցություն ստանալ եվրոպական երկրներից այն ամերիկացի զինվորների համար, որոնք մնալու են Եվրոպայում։ ԱՄՆ նախագահի կարծիքով՝ «ծախսերը չեն կարող ընկնել միայն ամերիկացի հարկատուների ուսերին»։
Աղբյուրը նաև ասել է, որ ամերիկացի զինվորականներին ֆինանսական աջակցության շուրջ բանակցություններն ակտիվ փուլում են։ Թե ինչ գումարի մասին է խոսքը, դեռևս հայտնի չէ։
2022 թվականին Ուկրաինա Ռուսաստանի լայնամասշտաբ ներխուժման մեկնարկից հետո Եվրոպայում ամերիկյան զորախմբի թիվը հասել է 100,000-ի։
Թարգմանությունը՝ Էմմա Չոբանյանի
