17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Հեշտ չէ, բայց անհնար էլ չէ․ Փաշինյանը՝ ԵՄ-ի, ՌԴ-ի, Իրանի հետ հավասարակշռված քաղաքականության մասին․ ՏԵՍԱՆՅՈՒԹ
Քաղաքականություն
23.01.2025 | 16:39
Հայաստանը հավասարակշռված արտաքին քաղքականություն է վարում ինչպես ԵՄ-ի, այնպես էլ տարածաշրջանային ուժերի հետ։ Այս մասին Դավոսում պանելային քննարկման ժամանակ հայտարարել է ՀՀ վարչապետ Նիկոլ Փաշինյանը։
«Մենք որոշել ենք ընդունել հավասարակշռված արտաքին քաղաքականություն, ինչը նշանակում է, որ կփորձենք հավասարակշռություն ստեղծել մեր տարբեր հարաբերություններում ԵՄ-ի հետ, ՌԴ-ի հետ, տարածաշրջանային ուժերի հետ։ Շատ կարևոր են մեր հարաբերություններն Իրանի հետ։ Ինչպես նշեցի՝ մենք ակտիվորեն աշխատում ենք Թուրքիայի և Ադրբեջանի հետ դիվանագիտական հարաբերություններ հաստատելու ուղղությամբ։ Իհարկե, հեշտ չէ, բայց մյուս կողմից՝ անհնար չեմ համարում»,- նշել է Փաշինյանը։
Նա հավելել է, որ նման քաղաքականությունը պարունակում է ինչպես հսկայական սպառնալիքներ, այնպես էլ նոր հնարավորություններ։
«Մենք փորձում ենք կառավարել ռիսկերը և օգտվել այդ հնարավորություններից, և ես կարծում եմ, որ դա է առաջընթացի ճանապարհը: Միևնույն ժամանակ, կարևոր է չմոռանալ հավասարակշռության մասին, քանի որ այդ հավասարակշռության խախտումը կարող է հանգեցնել շատ լուրջ հետևանքների ոչ միայն մեր երկրի, այլև տարածաշրջանի և նույնիսկ համաշխարհային կայունության համար»,- ասել է Փաշինյանը։
Մանրամասները՝ տեսանյութում։
Տաթև Ֆռանգյան
