08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պուտինն ու Փաշինյանը չեն քննարկել ՀԱՊԿ-ին Հայաստանի մասնակցության ապասառեցման հարցը. Պեսկով
Քաղաքականություն
23.01.2025 | 14:12
ՌԴ նախագահ Վլադիմիր Պուտինը և ՀՀ վարչապետ Նիկոլ Փաշինյանն իրենց վերջին հեռախոսազրույցում չեն քննարկել Հավաքական անվտանգության պայմանագրի կազմակերպությանը (ՀԱՊԿ) երկրի մասնակցության ապասառեցման հարցը։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ոչ, այդ թեման չի քննարկվել նախագահի ու վարչապետի վերջին հեռախոսազրույցի ընթացքում»,- ասել է Պեսկովը՝ պաստասխանելով համապատասխան հարցին։
Նա նաև հայտարարել է, որ Հայաստանը դեռևս չի հայտնել ՀԱՊԿ-ից դուրս գալու մտադրության մասին։
«ՀԱՊԿ-ը ինքնուրույն, հասուն կազմակերպություն է, որն ապացուցել է իր արդյունավետությունն ու պահանջվածությունը: Նրանում աշխատանքները շարունակվում են: Մինչ այժմ Հայաստանը չի հայտարարել այդ կազմակերպությունից դուրս գալու իր մտադրության մասին»,- ասել է Կրեմլի խոսնակը։
Հավելենք, որ ՀՀ արտաքին հետախուզության ծառայությունը այսօր հրապարակված զեկույցում քիչ հավանական էր գնահատել, որ 2025 թվականին Հայաստանի կողմից ՀԱՊԿ-ին անդամակցության սառեցման հիմքերը կվերանան։
Թարգմանությունը՝ Էմմա Չոբանյանի
