14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թրամփը կարող է դադարեցնել վիրուսների հետազոտման ծրագրերի ֆինանսավորումը․ WSJ
Քաղաքականություն
23.01.2025 | 23:15
ԱՄՆ նախագահ Դոնալդ Թրամփի վարչակազմը հրաման է պատրաստում, որը ժամանակավորապես դադարեցնում է դաշնային ֆինանսավորումը վիրուսների հետազոտության համար, որոնք ավելի վտանգավոր կամ վարակիչ են դարձնում պաթոգենները, գրում է The Wall Street Journal-ը՝ հղում անելով աղբյուրներին։
Աղբյուրների համաձայն՝ այս որոշումը նպատակ ունի սահմանափակել այն գիտնականների աշխատանքը, որոնք ԱՄՆ ֆինանսական աջակցությամբ ուսումնասիրում են վիրուսներ, որոնք վտանգ են ներկայացնում մարդու առողջության համար։
Որոշ վիրուսներ, ինչպիսիք են թռչնագրիպի H5N1 վիրուսը, կարող են ազատվել հրամանից, ասել է աղբյուրներից մեկը:
Փաստաթուղթը դեռ վերջնականապես չի հաստատվել, դրա մանրամասները մշակման փուլում են։
WSJ-ը նշում է, որ մի շարք հանրապետականներ նախկինում չինական լաբորատորիաներին մեղադրել են COVID-19 համաճարակի տարածման մեջ։ ԱՄՆ Առողջապահության ազգային ինստիտուտի ղեկավարի պաշտոնի համար առաջադրված դոկտոր Ջեյ Բհաթաչարյան աջակցել է նման ուսումնասիրությունների կասեցմանը։
Ըստ WSJ-ի կողմից հարցված բազմաթիվ վիրուսաբանների՝ վիրուսների հետազոտությունն անհրաժեշտ է՝ մարդկությանն ապագա համաճարակներին նախապատրաստելու համար: Եթե Դոնալդ Թրամփը ստորագրի նման հրամանագիր, ապա ԱՄՆ-ը կարող է լրջորեն հետ մնալ այլ երկրներից, որոնք չեն դադարեցնում գիտական հետազոտությունները, զգուշացնում է պարբերականը։
Թարգմանությունը՝ Տաթև Ֆռանգյանի
