17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Ուկրաինայի իշխանությունները կարծում են, որ կկարողանան պայմանավորվել ոչ ավելի, քան 50,000 եվրոպացի խաղաղապահների շուրջ. FT
Քաղաքականություն
23.01.2025 | 14:56
Ուկրաինայի իշխանություններն իրագործելի են համարում Ռուսաստանի հետ հակամարտության կարգավորման շրջանակում 1000 կիլոմետրանոց ռազմաճակատի գծում 40-50 հազար օտարերկրյա զինվորականների տեղակայման սցենարը։ Այս մասին գրում է Financial Times-ը (FT)՝ վկայակոչելով Կիևի և նրա արևմտյան գործընկերների քննարկումների մասնակիցներին։
Ավելի վաղ Ուկրաինայի նախագահ Վլադիմիր Զելենսկին ասել էր, որ Եվրոպան պետք է տրամադրի «նվազագույնը» 200,000 զինվորականի՝ Ուկրաինայում հնարավոր հրադադարի պահպանման համար։ Այնուամենայնիվ, Կիևը կարծում է, որ խաղաղապահների ավելի իրատեսական թիվը, որի շուրջ կարելի է պայմանավորվել, 40-50 հազարն է, գրում է Financial Times-ը։
Ըստ պարբերականի՝ Զելենսկիի հնչեցրած 200 հազար թիվը «շատ ավելին է, քան Երկրորդ համաշխարհային պատերազմի ժամանակ Նորմանդիայի դեսանտի մասնակիցների թիվը»։
Մինչ այժմ միայն Բալթյան երկրներն են աջակցել Ուկրաինա խաղաղապահներ ուղարկելու գաղափարին։ Լեհաստանում կարծում են, որ խաղաղապահները չպետք է լինեն ՆԱՏՕ-ի այն երկրներից, որոնք սահմանակից են Ռուսաստանին։
ՆԱՏՕ-ի գլխավոր քարտուղարի նախկին օգնական Կամիլ Գրանդը FT-ին ասել է, որ Ուկրաինայում խաղաղությունը պահպանելու համար անհրաժեշտ է մոտ 40 հազար խաղաղապահ: Միաժամանակ, թերթը նշում է, որ խաղաղապահների գործուղում, ամենայն հավանականությամբ, տեղի չի ունենա։
Թարգմանությունը՝ Տաթև Ֆռանգյանի
