30.04.2026 | 10:39
Նավթի գներն աճել են
Իրանն ու Ադրբեջանը համագործակցության փաստաթուղթ են ստորագրել․ կողմերն ամրապնդում են գործակցությունը Հյուսիս-Հարավ միջանցքի ծրագրում
Քաղաքականություն
23.01.2025 | 15:55
Թեհրանում Ադրբեջան-Իրան համատեղ տնտեսական հանձնաժողովի 16-րդ նիստի ավարտին երկու երկրների միջև համագործակցության նոր փաստաթուղթ է ստորագրվել։
Ադրբեջանական լրատվամիջոցների հաղորդմամբ՝ այն ստորագրել են Իրանի ճանապարհների և քաղաքաշինության նախարար Ֆարզանա Սադիգի և Ադրբեջանի փոխվարչապետ Շահին Մուստաֆաևի ստորագրած համաձայնագրում խոսվում է երկու երկրների հետագա համագործակցության մասին այնպիսի ոլորտներում, ինչպիսիք են տրանսպորտը, մաքսային ոլորտը, էներգետիկան (նավթ, գազ, էլեկտրաէներգիա), ջրային ռեսուրսները, արտոնյալ առևտուրը և ներդրումները։
Նշվում է, որ համաձայնագիրը նպաստելու է Հյուսիս-Հարավ միջանցքի արագ ավարտին։
Ֆարզանա Սադիգը հայտարարել է, որ այս միջանցքը երկրի կարևոր տարանցիկ երթուղիներից մեկն է, որտեղ Ռեշտ-Աստարա հատվածն առանցքային դեր ունի։ Նրա խոսքով՝ Ադրբեջանը, որը գտնվում է Ռուսաստանի և Իրանի միջև, ռազմավարական դիրք է գրավում երեք երկրների միջև բեռնափոխադրումների ոլորտում։
Հանդիպմանը Իրանի և Ադրբեջանի երկաթուղային գերատեսչությունների միջև նաև համաձայնագիր է ստորագրվել Աստարայում երկաթուղային տերմինալի շինարարության ավարտի մասին, որը կարևոր քայլ կլինի Հյուսիս-Հարավ միջանցքի իրականացման ուղղությամբ։
Թարգմանությունը՝ Էմմա Չոբանյանի
