08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Զապորոժիեն բալիստիկ հրթիռներով հարձակման է ենթարկվել, բնակելի շենքեր են վնասվել․ կան տասնյակ վիրավորներ․ ՏԵՍԱՆՅՈՒԹ
Քաղաքականություն
23.01.2025 | 11:10
Հինգշաբթի՝ հունվարի 23-ի առավոտյան, ռուսական զորքերը հերթական անգամ բալիստիկ հրթիռներով հարձակում են իրականացրել Զապորոժիեի վրա։ «Հարվածի հետևանքով Զապորոժիեում վնասվել են բնակելի շենքեր։ Պայթյունի ալիքը կոտրել է պատուհանները և վնասել տանիքը»,- հայտնել է Զապորոժիեի շրջանային ռազմական վարչության ղեկավար Իվան Ֆեդորովը Telegram-ում։
Ավելի ուշ Ֆեդորովը մանրամասնել է, որ ռուսական հարձակման հետևանքով զոհվել է տեղի 47-ամյա բնակիչ, ևս 24 մարդ վիրավորվել է։ Վիրավորներից մեկը երկու ամսական երեխա է, մյուսները՝ Ուկրաինայի արտակարգ իրավիճակների պետական ծառայության չորս աշխատակից։
Ընդհանուր առմամբ, Զապորոժիեում չորս պայթյուն է գրանցվել։ Իվան Ֆեդորովը հրապարակել է նաև լուսանկարներ և տեսանյութեր, որոնք ցույց են տալիս ռուսական հրթիռային հարվածի հետևանքները։ Տեսանյութի նկարագրության մեջ նա գրել է.
«Այսպիսի տեսք ունի տունը, որին հարվածել է ռուսական հրթիռը»։
Թարգմանությունը՝ Տաթև Ֆռանգյանի
