18.12.2025 | 23:24
ՀՀ տարածքում ավտոճանապարհները հիմնականում անցանելի են
Բայրամովը Մեծ Բրիտանիայի ԱԳ նախարարին բողոքել է ՀՀ Սահմանադրությունից
Քաղաքականություն
22.01.2025 | 18:30
Ադրբեջանի ԱԳ նախարար Ջեյհուն Բայրամովը Մեծ Բրիտանիայի արտաքին, համագործակցության և զարգացման հարցերով պետքարտուղար Դեյվիդ Լամմիի հետ հեռախոսազրույցում քննարկել է երկու երկրների միջև համագործակցության օրակարգի հեռանկարները, ինչպես նաև տարածաշրջանային ներկա իրավիճակը, հարաբերությունների կարգավորման իրավիճակը և Ադրբեջանի ու Հայաստանի միջև խաղաղության գործընթացը, հայտնում են ադրբեջանական լրատվամիջոցները։
Բրիտանացի նախարարը ևս մեկ անգամ ցավակցություն է հայտնել դեկտեմբերի 25-ին Բաքվից Գրոզնի թռչող ադրբեջանական ինքնաթիռի կործանման կապակցությամբ։ Նա ասել է, որ Մեծ Բրիտանիան պատրաստ է աջակցություն ցուցաբերել ողբերգության պատճառների հետաքննության հարցում։
«Ադրբեջանի ԱԳ նախարարն իր հերթին տեղեկատվություն է տրամադրել տարածաշրջանում առկա իրավիճակի և խաղաղ գործընթացի մասին՝ նշելով, որ չնայած խաղաղության համաձայնագրի և սահմանազատման հարցում զգալի առաջընթացին, Հայաստանի Սահմանադրության մեջ շարունակվող տարածքային պահանջները գործընթացի հիմնական խոչընդոտն են»,-ասվում է Ադրբեջանի ԱԳՆ-ի հաղորդագրության մեջ։
Թարգմանությունը՝ Էմմա Չոբանյանի
