25.04.2025 | 23:30
Հայաստանի երիտասարդների հավաքականը սամբոյի Եվրոպայի առաջնությունում թիմային հաշվարկով գրավեց երկրորդ տեղը
Ռուսական նավթը Վրաստանի տարածքով Եվրոպա է մատակարարվում որպես «վրացական»
Քաղաքականություն
22.01.2025 | 22:22
Վրաստանի հետաքննող լրագրողների միությունը՝ Here’s the fact-ը («აი, ფაქტი»), հրապարակել է «Անտեսանելի բեռներ. Ռուսաստանից Եվրոպա նավթի արգելված ճանապարհը» վերտառությամբ հետաքննությունը։ Գրուզիա օնլայնի փոխանցմամբ՝ դրանում խոսվում է Ռուսաստանից Եվրոպա պատժամիջոցների տակ գտնվող նավթի արտահանման և այդ սխեմայում Վրաստանի դերի մասին։
Լրագրողների տվյալներով՝ 2023-2024 թվականներին Վրաստանից Իսպանիա է մատակարարվել 99 հազար տոննա «վրացական» նավթ՝ ընդհանուր 49 միլիոն եվրո արժողությամբ։
Հետաքննող լրագրողներն այս առաջարկի մեջ հայտնաբերել են երկու կասկածելի հանգամանք՝ Վրաստանը նավթի նման ծավալ չի արդյունահանում, արտահանման այս տվյալներն արտացոլված չեն Վրաստանի Ազգային վիճակագրական ծառայության տվյալների բազայում (Sakstat, Gruzstat), սակայն առկա են իսպանական տվյալների բազայում։
Հետաքննող լրագրողների թիմը հարցադրում է անում՝ արդյո՞ք սա ընդամենը տեխնիկական վրիպակ է, որը հայտնվել է տվյալների բազայում, թե՞ Ռուսաստանը, որին արգելված է նավթ արտահանել Եվրոպա և այլընտրանքային ուղիների կարիք ունի պատժամիջոցների տակ գտնվող ապրանքի արտահանման համար, ներգրավված է այս ամենում:
Թարգմանությունը՝ Տաթև Ֆռանգյանի
