25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
ԵՄ-ն և Բրիտանիան պատրաստվում են ԱՄՆ-ի հետ առևտրային պատերազմի․ Politico
Քաղաքականություն
22.01.2025 | 16:19
Եվրամիությունն ու Մեծ Բրիտանիան հակաքայլեր են պատրաստել այն պարագայում, եթե ԱՄՆ նախագահ Դոնալդ Թրամփը բարձրացնի մաքսատուրքերը եվրոպական երկրներից ապրանքների համար, հայտնում է Politico-ն՝ հղում անելով իրազեկ աղբյուրներին։
Ըստ հրապարակման՝ ԵՄ-ի և Մեծ Բրիտանիայի պաշտոնյաները հույս ունեն, որ ԱՄՆ-ում իշխանության եկած Դոնալդ Թրամփը «չի հարվածի եվրոպական արտահանմանը», բայց «նրանք պատրաստել են հակաքայլերի մի ամբողջ զինանոց, ներառյալ՝ պատասխան մաքսատուրքերը»:
Politico-ի փոխանցմամբ՝ Բրյուսելն ու Լոնդոնը մի քանի ամիս է, ինչ առևտրային պատերազմի հնարավոր սցենարներ են մշակում։
Ավելի վաղ Դոնալդ Թրամփը դժգոհել էր Եվրամիության հետ առևտրի դեֆիցիտից և թույլատրել մաքսատուրքեր սահմանել եվրոպական ապրանքների համար։ Իր երդմնակալությունից անմիջապես հետո նա ասել է, որ ԵՄ-ն պետք է ավելի շատ նավթ և գազ գնի ԱՄՆ-ից, եթե ցանկանում է խուսափել նոր սակագնային քաղաքականությունից:
ԵՄ-ն մտավախություն ունի, որ Դոնալդ Թրամփը կվերադառնա պրոտեկցիոնիստական քաղաքականությանը և կրկին կբարձրացնի մաքսատուրքերը Եվրամիության ապրանքների համար, ինչպես դա տեղի ունեցավ նրա նախագահական առաջին ժամկետի ընթացքում։ Այն ժամանակ ԱՄՆ նախագահը Եվրոպայից պողպատի և ալյումինի համար մաքսատուրքեր սահմանեց, համապատասխանաբար, 25% և 10%։
Թարգմանությունը՝ Տաթև Ֆռանգյանի
