08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայից արտաքսվելուց հետո հանրահայտ երգչին Իրանում մահապատիժ է սպառնում
Քաղաքականություն
21.01.2025 | 21:49
Իրանցի երգիչ 37-ամյա Ամիր Հոսեյն Մաղսուդլուն, որը հայտնի է Թաթալու բեմական անունով, հայտնվել է սկանդալի կենտրոնում, որը կարող է ավարտվել նրա մահապատժով։ Այս մասին հայտնում է The Independent-ը՝ վկայակոչելով իրանական Etemad պարբերականը։
Նա մեղադրվում է Մուհամեդ մարգարեին վիրավորելու, Իսլամական Հանրապետության դեմ քարոզչություն տարածելու, մարմնավաճառությանը աջակցելու և անպարկեշտ բովանդակություն հրապարակելու մեջ։
Թաթալուն նախկինում դատապարտվել էր նմանատիպ մեղադրանքներով հինգ տարվա ազատազրկման։ Դատախազի բողոքարկումից հետո դատավճիռը վերանայվել է, և նրան այժմ մահապատիժ է սպառնում։
Երգիչն Իրանը լքել էր 2018 թվականին՝ տեղափոխվելով Թուրքիա։ Սակայն 2023 թվականի դեկտեմբերին նա արտաքսվել է Իրան, որտեղ նրան անմիջապես կալանավորել են։ Իրանական լրատվամիջոցներն ավելի ուշ նշել են, որ մահապատիժը դեռ վերջնական չէ և կարող է բողոքարկվել։ Այնուամենայնիվ, պատժաչափի կրճատման հնարավորությունները մնում են չափազանց ցածր:
Թարգմանությունը՝ Տաթև Ֆռանգյանի
